Masobra 1000 ka mga kapulisan sa probinsya sang Capiz, ginpangdeploy agud masiguro ang seguridad sang publiko sa tion sang Undas 2026

Nagdeploy ang Capiz Police Provincial Office (CPPO) sang 1,050 ka pulis sa bilog nga probinsya sang Capiz agud masiguro ang malinong kag luwas nga pagsaulog sang Undas 2026.

Sa interview sang Bombo Radyo kay Police Major Rachelle D. Garnica, Public Information Officer sang CPPO, iya ginpahyag nga yara sa full alert status ang tanan nga personnel halin Oktubre 30 tubtob Nobyembre 3.

Suno kay Garnica, magapatigayon ang kapulisan sang foot patrol kag mobile patrol agud masiguro ang seguridad sang publiko.

Dugang pa sini nga magapahamtang man sila sang Police Assistance Desks sa mga terminal, pantalan, mayor nga dalan kag pampubliko nga merkado agud masiguro seguridad sa pagsaulog sang Undas 2026.