Barangay Officials sang Barangay Baybay, Roxas City, nagbakal sang 100 ka mga monoblock chairs kag duha ka steel pipe tent agud magamit sa nagkalain-lain nga aktibidad

Nagbakal sang 100 ka mga monoblock chairs kag duha ka steel pipe tent ang Barangay Officials sang Barangay Baybay, Roxas City, agud magamit sa nagkalain-lain nga aktibidad sang barangay.

Sa interview sang Bombo Radyo kay Punong Barangay Erwin Oroceo, iya ginpahayag nga dako nga bulig ang mga bag-o nga kagamitan sa pagpatigayon sang mga programa kag aktibidad para sa mga pumuluyo.

Suno kay Oroceo, ang pagbakal sang mga ini ginponduhan paagi sa programa nga Bawat Barangay Makikinabang (BBM).

Dugang pa sini, ginhatagan sang prayoridad ang amo nga mga kagamitan bangud ini ang isa sa mga kinahanglanon sang mga pumuluyo sang barangay.