Pagpapinta sang mga pantyon sa Banica public cemetery, indi pa masako

Indi pa masako ang mga nagapapinta sang pantyon sa Banica Public Cemetery sa Roxas City bisan nagahilapit na ang pagsaulog sang Undas 2026.

Sa interview sang Bombo Radyo kay Julius Arro, isa ka manugpinta sang pantyon, iya ginpahayag nga malaka pa lamang sa subong ang nagakuha sang ila serbisyo para magpinta kag magpanglimpyo sang mga pantyon.

Suno kay Arro, nagalaom ini nga magadamo pa ang ila mga customer sa masunod nga mga adlaw samtang nagahilapit ang Undas.

Dugang pa niya, handa sila nga magserbisyo sa mga pamilya nga luyag magpaayo kag maglimpyo sang mga pantyon sang ila mga himata nga nagtaliwan na.