Nagapabilin sa kritikal nga kondisyon ang bantog nga komedyante nga si Gil Aducal Morales nga mas kilala sa pangalan nga Ate Gay humalin sang gindala sa emergency room sa Asian Hospital sang Oktubre 17.
Ini matapos nga naka-eksperyensya ini sang septic shock kag acute respiratory failure nsecondary to pneumonia isa ka impeksyon nga naga-apekto sa pagginhawa kag blood circulation.
Sa pahayag nga ginpaguwa sang pamilya ni Ate Gay subong nga Biernes, yara na sa Intensive Care Unit (ICU) ang komedyante.
Matandaan nga nadiagnose na sadto ang komedyante nga may mucoepidermoid squamous cell carcinoma, isa ka talagsahon nga sahi sang kanser.
Liwat nga nagpanawagan ang pamilya sang komedyante para sa anuman nga bulig pinansyal nga mahimo ihatag sa ila.
Nagpasalamat man ang pamilya ni Ate Gay sa mga naghatag sang bulig, pangamuyo, kag suporta.
