Naghalad sang bulak kag nagsindi sang kandila si Vice President Sara Duterte bilang handumanan sa mga biktima sang Super Typhoon Yolanda sa syudad sang Tacloban sadtong 2013.
Nagbisita si Vice President Sara sa Holy Cross Memorial Gardens, kon sa diin nagapahuway ang mga bangkay sang mga biktima sang kalamidad, kaupod ang mga personnel sang Office of the Vice President-Eastern Visayas Satellite Office.
Sa iya Facebook post, ginpahayag ni Duterte nga gin-updan nila ang paghalad sang bulak kag pagsindi sang kandila paagi sa pagpangamuyo para sa kalinong sang kalag sang mga biktima.
Ginpangabay man sini ang publiko nga ilakip sa ila mga pangamuyo ang mga biktima sang mga kalamidad subong man ang mga pamilya nga ginbayaan sang mga ini.
Matandaan nga ginakabig ang Yolanda nga pinakamabaskog nga bagyo nga nag-igo sa Pilipinas, nga nag-utas sang linibo ka kabuhi kag nagguba sang masobra 1.14 million ka mga balay.
