Nagpahanumdom ang Simbahang Katolika sa publiko kaangut sa matuod nga kahulugan kag espirituhanon nga importansya sang pagsaulog sang All Saints’ Day kag All Souls’ Day.
Sa interview sang Bombo Radyo kay Reverend Father Virgilio Fuentes Ciudadano Jr., sang Archdiocese of Capiz, iya ginpahayag nga ang All Saints’ Day nga ginasaulog kada Nobyembre 1, nagarepresentar sang Church Triumphant, ukon ang mga balaan nga yara na sa presensya sang Diyos sa langit.
Samtang, ang All Souls’ Day nga ginadumdom kada Nobyembre 2, nga nagarepresentar sang Church Suffering, nga nagatumod sa mga kalag sang mga nagtaliwan na nga ginapangamuyuan agud makalab-ot sa bug-os nga pagpakig-upod sa Diyos.
Suno kay Reverend Father Ciudadano, ang duha ka selebrasyon nagapakita sang pagtuo kag espirituhanon nga butang.
