DOLE, gin-apbruhan na ang dugang nga sweldo sa minimum wage sa Western Visayas kag Soccsksargen

Gin-aprubahan na sang Department of Labor and Employment (DOLE) ang pagsaka sang minimum wage para sa mga mamumugon sa Western Visayas ukon Region VI kag Soccsksargen ukon Region XII.

Sa Western Visayas, magataas sang P40 tubtob P45 ang minimum wage sang mga mamumugon, nga epektibo na sa Nobyembre 19.

Samtang sa Soccsksargen naman, magadugang sang P41 ang minimum wage sang mga mamumugon sa pribado nga sektor.

Ini ipatuman sa duha ka bahin, nga una ang P16 nga dugang sa Nobyembre 19 kag ang nabilin nga P25 sa Enero 1.

Magabaton man sang dugang nga P450 sa ila binulan nga minimum wage ang mga domestic worker ukon kasambahay sa Soccsksargen.