Nakarekord ang Bureau of Fire Protection (BFP) Region 6 sang 14 ka fire response halin sang ginpatuman ang heightened alert status kasunod sang pagsaulog sang Undas 2026.
Sa interview sang Bombo Radyo kay Fire Chief Inspector Michael Salvacion, Michael Salvacion, Acting Chief sang Operations Division sang BFP Region 6, iya ginpahayag nga nagapadayon ang pagmonitor sang ila ahensya sa mga lugar nga posible matabo ang sunog kag iban pa nga emerhensya.
Suno kay Salvacion, kabahin sang ila operasyon ang pag-deploy sang mga bombero kag fire trucks sa estratehiko nga mga lugar agud masiguro ang madasig nga pagtapna sa bisan ano nga insidente sang sunog.
Nagpahanumdom ma ang natungdan sa publiko nga maghalong sa paggamit sang kandila, pagluto kag mga electrical appliances agud malikawan ang sunog, ilabi na sa mga puluy-an kag lugar nga madamo ang tawo.
