Ginpasidunggan ang mga katapo sang Roxas City Component Police Station (RCCPS) paagi sa paghatag sang Silver Eagle Award halin sa Capiz Provincial Police Office.
Ini ang pagkilala sa idalom sang pagpanguna ni PLTCOL Rogelio Tomagtang Jr., Chief of Police sang RCCPS, bilang pagkilala sa ila padayon nga dedikasyon kag pagserbisyo para mapabilin ang kalinong kag katawhay sa Roxas City.
Kaupod ni Tomagtang nga nagbaton sang nasambit nga pasidungog si Mr. Joey Dela Cruz, Chairman sang RCCPS City Advisory Council, kag City Councilor Fernando Luis Viterbo.
Ginbaton ang award sa ginpatigayon nga launching sang IQ-PASSED kag Conferment of Proficient Status Ceremony, sa diin ginpasidunggan ang mga katapo sang kapulisan bangud sa ila kontribusyon kag pagserbisyo sa komunidad.
