Nakabaton sang bag-o nga 4×4 patrol car ang Maayon Municipal Police Station sa ginhiwat nga blessing ceremony sang bag-o nga patrol vehicle, nga ginapaabot nga makapauswag sa ila operasyon kag makapadasig sa pagresponde sa mga emerhensya kag kinahanglanon sang publiko.
Personal nga ginbaton ang bag-o nga patrol car ni Police Captain Danilo F. Lauron, Officer-in-Charge sang Maayon Municipal Police Station upod kay Police Colonel David L. Cachumbo Jr., Provincial Director sang Capiz Police Provincial Office.
(LAURON)
Sa interview sang Bombo Radyo kay Police Captain Danilo F. Lauron, Officer-in-Charge sang Maayon Municipal Police Station, iya ginpahayag nga daku ang ila kalipay sa pagbaton sang bag-o nga 4×4 patrol car bangud makadugang ini sa ila kagamitan sa pagserbisyo sa mga pumuluyo, ilabi na sa mga malayo kag bulubukid nga barangay sang banwa.
(4X4)
Suno kay Lauron, ginhatag ang dugang nga patrol vehicle matapos makita sang pamunuan nga kinahanglanon sang Maayon MPS sang dugang nga salakyan bangud ang ila nauna nga patrol vehicle kinahanglan na sang maintenance.
Pahayag pa niya, paagi sa bag-o nga 4×4 patrol car mas mapadasig kag mapauswag ang pagresponde sang kapulisan sa mga remote areas bangud mas masaligan ini sa pagbiyahe sa mabudlay nga mga dalanon.
Dugang pa sang natungdan, duha na ang kabug-usan nga patrol vehicles sang ila estasyon lakip ang bag-o nga salakyan nga magabulig sa pag-atubang sang nagkalain-lain nga concern sang mga pumuluyo.
