Ginapamatukan sang Bagong Alyansang Makabayan (BAYAN) Panay ang ginalauman nga pagbisita ni United States President Donald Trump sa Pilipinas sa Nobyembre 16 tubtob 17, 2026, para sa ASEAN Leaders’ Summit kag mga dialogue meeting.
Sa interview sang Bombo Radyo kay John Ian Alenciaga, Deputy Secretary General sang BAYAN Panay, iya ginpahayag nga para sa ila, ang pagbisita ni Trump nagapakita sang sobra nga pagsalig kag pagsunod sang Pilipinas sa Estados Unidos.
Suno kay Alenciaga, ginakabig sang ila grupo nga isa sa mga ginhalinan sang krisis nga ginapangaatubang sang mga Pilipino ang mga polisiya sang Estados Unidos, lakip na ang oil deregulation law nga suno sa ila may epekto sa presyo sang mga produkto kag serbisyo, kag ang mga inaway sa iban nga pungsod.
Nahibaluan nga magapatigayon sang protesta ang Bagong Alyansang Makabayan Panay sa Metro Manila sa Nobyembre 16 batok sa pagpamatok sa pagbisita sang US President Donald Trump sa pungsod.
