Nabaton na sang mga senior citizens sa Roxas City ang tig-P10,000 nga cash gift sa ang naga-edad sang 80, 85, 90 kag 95-anyos.
Ini ang kabahin sang Expanded Centenarian Act Benefits Program nga nagahatag sang pinansyal nga bulig sa mga senior citizens nga nagasulod sa amo nga mga edad.
Sa interview sang Bombo Radyo kay Eddie Dela Cruz, Head sang Office of Senior Citizens Affairs, iya ginpahayag nga daku ang pagpasalamat sang mga benepisyaryo sa nabaton nga bulig.
Suno kay Dela Cruz, kabug-usan yara sa 365 ka mga senior citizens ang nakabaton sang cash gift.
Ini na ang ikawalo nga beses nga ginpatigayon ang paghatag sang amo nga benepisyo sa syudad, kag ginalauman nga madugangan pa ang mga senior citizens nga makabaton sini sa masunod nga mga tuig.
