Ginpabaskog ni President Ferdinand R. Marcos Jr. ang ikasarang sang lokal nga panguluhan (LGUs) paagi sa paghatag sang bulig pinansyal para sa rehabilitasyon kag rekonstruksyon sang mga lugar nga nahalitan sang kalamidad.
Nagpain ang gobyerno sang P8.6 billion para sa 306 ka LGUs nga apektado sang bagyo, linog kag paglupok sang bulkan humalin 2024 tubtub 2026. Ang pondo pagagamiton sa pagkay-o sang mga dalan, taytay, eskwelahan, health facilities, evacuation centers, uma kag pamalay.
Suno kay President Marcos, importante nga mahatagan sang bastante nga pondo ang mga LGUs bangud mas nahibaluan nila ang kinahanglanon sang ila mga constituents.
Sa subong, P6 bilyon ang na-release, samtang ang nabilin nga P2.5 bilyon ang ginaproseso pa.
Gin-engganyo man sang Presidente ang mga LGUs nga pabaskugon ang preparasyon kag proper damage reporting agud mas madasig ang pagresponder sang gobyerno sa palaabuton nga mga kalamidad.
