Iga-award na sang Bombo Radyo Philippines ang cash prizes sa mga maswerte nga nagdaog sa bag-o lang natapos nga Swerte sa Palengke 2026 Grand Draw, paagi sa simultaneous kag nationwide awarding sa Lunes, Nobyembre 9, 2026, alas-nuebe sang aga, sa tanan nga 25 key area nga ginaserbisyuhan sang Bombo Radyo kag Star FM sa bilog nga pungsod.
Nagapanguna sa listahan sang mga nagdaog si ALBERT BAUTISTA sang Barangay Socorro, Murphy, Quezon City, nga nakadaog sang GRAND PRIZE nga ISA KA MILYON KA PESOS (P1,000,000) gamit ang proof of purchase nga PUREGOLD. Si Albert Buatista amo na ang ika-82 nga Bombo Radyo Millionaire.
Luwas sa grand prize, may tatlo man ka garantisado nga area winners sa tagsa ka 25 ka lugar nga makabaton sang masunod nga cash prizes:
-First Prize – P25,000
-Second Prize – P15,000
-Third Prize – P10,000
Sa Capiz, ari ang mga maswerte nga nagdaog nga makabaton sang ila tagsa ka premyo:
FIRST PRIZE – P25,000
ELAINE O. VISTA
Poblacion, Sapian, Capiz
Proof of Purchase: Efficascent oil
SECOND PRIZE – P15,000
MARIO MORALES
San Esteban, Pilar, Capiz
Proof of Purchase: Omega Pain Killer
THIRD PRIZE – P10,000
ANALYN H. CABALEJO
Dinginan, Roxas City, Capiz
Proof of Purchase: San Miguel Pale Pilsen
Ginapanawagan ang tanan nga garantisado nga area winners sa Capiz nga magkadto mismo sa estasyon sang Bombo Radyo kag Star FM Roxas sa Lunes, Nobyembre 9, antes alas-nuebe sang aga, kag magdala sang valid nga identification cards para sa opisyal nga paghatag kag beripikasyon sang inyo mga premyo.
Sa kabug-usan nga premyo nga nagabalor sang NUEBE MILYON KA PISO (P9,000,000), ang Swerte sa Palengke 2026 isa sa tatlo ka mayor nga nationwide promo sang Bombo Radyo Philippines nga nagatuyo nga magbalik sang kaayuhan sa amon matutom nga mga listener kag viewer paagi sa paghatag sang oportunidad nga makadaog sang daku nga mga premyo.
Kabahin man ini sang padayon nga pagserbisyo publiko sang Bombo Radyo Philippines sa mga Pilipino, ilabi na sa paghatag sang oportunidad, paglaum kag kalipay sa mga komunidad nga amon ginaalagaran.
Sa tanan nga mga nagdaog, madamo nga salamat kag congratulations! Kag sa amon mga listener kag viewer, bantayi ang masunod pa nga mga promo sang Bombo Radyo Philippines!
BOMBO RADYO PHILIPPINES – BASTA RADYO… BOMBO!
