Ginabanta nga 250 ka tawo ang nagtipon sa Millennium Park sa Chicago, Estados Unidos agud tinguhaan nga itulod ang bantog Cloud Gate sculpture nga mas kilala bilang “The Bean”.
Ang pinasahi nga pagtililipon ginhiwat, kasunod sang mga flyers nga gin-post sa nagkalain-lain nga bahin sang syudad kag panawagan sa social media nga tingob nga iduso ang nasambit nga sculpture.
Ang ideya nagsugod gikan sa isa ka makatalanhaga nga teoriya nga ang isa ka tawo ginaalegar nga na-trap sa sulod sang isa ka daku nga stainless steel sculpture kag kinahanglan nga isaylo sa pagbukas sang isa ka ginaalegar nga tunnel sa idalom sang iya tuo nga bahin.
Suno sa organizer, kun iduso ang The Bean sang pito ka pulgada sa wala, posible nga ma-access ang nasambit nga tunnel agud mabuligan ang lalaki nga gina-alegar na-trap sa sulod kag mahatagan ini sang pagkaon kag iban pa nga kinahanglanon.
Apang, ginklaro niya sang ulihi nga ang The Bean wala gid makahulag apisar sang mga panikasog sang ginatos ka mga tawo.
