Nagpartisipar ang Bureau of Fire Protection (BFP) sa ceremonial send-off sang mga personnel kag operational resources nga magaserbisyo para sa 49th ASEAN Summit kag Related Summits nga ginpatigayon sa Quirino Grandstand sa Manila.
Gin-organisar ang aktibidad sang Committee on Security, Peace and Order, and Emergency Preparedness and Response bilang kabahin sang pagpanghanda sang gobyerno para sa seguridad kag kaluwasan sa nasambit nga internasyonal nga pagtililipon.
Gintambungan ini ni Department of the Interior and Local Government Secretary Juanito Victor C. Remulla, kaupod ang mga representante kag personnel halin sa nagkalain-lain nga ahensya sang gobyerno kag uniformed services.
Ginpakita sa seremonya ang kahandaan sang gobyerno paagi sa pagdeploy sang mga personnel, kagamitan kag iban pa nga operational resources agud masiguro ang hapsay kag malinong nga pagpatigayon sang ASEAN Summit.
Bilang isa sa mga ahensya nga responsable sa emergency preparedness and response, handa ang BFP nga maghatag sang serbisyo sa pag-apula sang sunog, search and rescue operations, pagresponde sa hazardous materials ukon delikado nga mga kemikal, kag emergency medical services.
Paagi sa ila partisipasyon, ginpabaskog liwat sang BFP ang ila commitment sa pagproteher sang publiko kag pagsiguro sang seguridad sang mga bisita nga lider sang nagkalain-lain nga pungsod, international delegates kag pumuluyo sang Pilipinas.
