Nagpakita sang suporta sa kampanya para sa pagluwas sang kabuhi ang Station Manager sang Bombo Radyo Roxas paagi sa pagpartisipar sa Dugong Bombo 2026 nga ginpatigayon kahapon, Nobyembre 14.
Kabahin ang Station Manager sang mga nagdonar sang dugo sa nasambit nga aktibidad nga may tema nga “A Little Pain, A Life to Gain” nga ginpatigayon sa nagkalain-lain nga lugar sa bilog nga Pilipinas.
Ang iya pagpartisipar nagapakita sang personal nga suporta sa kampanya nga nagahingyo sa publiko nga magboluntaryo sa pagdonar sang dugo agud makabulig sa mga pasyente nga nagakinahanglan sini.
Paagi sa iya pagpartisipar, ginpakita man sini ang suporta sa adbokasiya sang Bombo Radyo Philippines nga maghatag sang oportunidad sa mga nagakinahanglan sang dugo paagi sa boluntaryo nga blood donation.
Ang Dugong Bombo 2026 isa ka tinuig nga blood donation drive sang Bombo Radyo Philippines sa pakig-angot sa Bombo Radyo Philippines Foundation, Inc. kag Philippine Red Cross.
Samtang, padayon nga ginapabakod sang Bombo Radyo Roxas ang suporta sa mga programa kag aktibidad nga nagapromote sang pagbuligay, paghatag sang serbisyo sa komunidad kag pagluwas sang kabuhi.
