-- ADVERTISEMENT --

Nagapati ang isa ka legal expert nga importante nga desisyon ang pagdeklarar nga unconstitutional sang supreme court ang bond requirement para sa mga seafarers.

Sa interview sang Bombo Radyo kay Atty. Leslie Ann Rase, Senior Associate Lawyer sang Jalbuna Catalina and Nunez Law Co., iya ginpahayag nga paagi sa amo nga desisyon ginapabakod sini ang kinamatarong sang mga mamumugon nga makakuha sang hustisya, nga indi dapat magdepende sa ila pinansyal nga kapasidad.

Suno kay Rase, indi na kinahanglag pag-obligaron sang mga seafarers nga mag-post sang bond ukon magdeposito sang kwarta antes nila makuha ang monetary claims nga para sa ila.

Dugang pa sini, indi na mangin mabudlay para sa mga mamumugon ang pag-angkon sang ila mga benepisyo kag bayad nga para sa ila.

Gin-athag man sang natungdan nga may yara gihapon sang legal remedies ukon mga tikang nga mahimo himuon ang mga employer kag shipping companies agud maprotektaran ang ila mga kinamatarong suno sa layi.

-- ADVERTISEMENT --