Liwat nga gin-agda ni Mamamayang Liberal Party-list Representative Leila de Lima si Vice President Sara Duterte nga personal nga magtambong sa impeachment trial sa Senado agud sabton ang mga alegasyon nga ginabato batok sa iya.
Ini kasunod sang pagpresentar sang kampo sang depensa sang mga video sang mga pahayag sanday anay Senador Miriam Defensor Santiago, anay Supreme Court Chief Justice Renato Corona, kag anay Presidente Rodrigo Duterte bilang kabahin sang ila ebidensya sa impeachment trial subong nga adlaw
Ginpamangkot ni De Lima ang paggamit sang mga video testimony sang mga anay opisyal nga indi na makapersonal nga makatambong sa impeachment court, sa baylo nga magpresentar sang mga buhi nga testigo nga mahimo direkta nga mapamangkot sang mga senator judges.
Suno kay De Lima, dapat mismo si Duterte ang mag-atubang sa impeachment trial agud sabton ang mga alegasyon batok sa iya, sa baylo nga magsalig lamang sa mga presentasyon sang iya legal team.
Padayon naman ang hearing sang Senado sa impeachment case batok sa Bise Presidente.











