-- ADVERTISEMENT --

Wala na sang kabuhi sang nasapwan ang isa ka 60-anyos nga lalaki sa Barangay Agsirab, Dumarao, Capiz.

Ang biktima amo si alyas nga Ren, residente sang Passi City, Iloilo.

Sa interview sang Bombo Radyo kay Police Lieutenant Russell G. Husmalaga, Officer-in-Charge sang Dumarao Municipal Police Station, iya ginpahayag nga nakabaton sila sang impormasyon kaangut sa insidente kag gilayon nga nagresponde sa lugar.

Suno kay Husmalaga, nakita ang biktima sa sulod sang creek nga natabunan sang nagbaliskad nga tricycle.

Base sa inisyal nga imbestigasyon, posible nga nadisgrasya ang biktima samtang nagamaneho sang tricycle, antes nahulog sa creek kag nagresulta sa iya kamatayon.

-- ADVERTISEMENT --

Nagpahabumdom man ang natungdan sa mga motorista nga siguruhon nga yara maayo ang kondisyon sang ila salakyan kag ang ila lawas antes magbiyahe agud malikawan ang aksidente sa dalan.