-- ADVERTISEMENT --

Plano sang Chinese company nga magpatindog sang windmills sa kadagatan sang Pilipinas nga makasarang sa mabaskog nga bagyo agud makabulig sa mas malig-on nga supply sang kuryente.

Gin-istoryahan ni President Ferdinand Marcos Jr. ang proyekto upod sa mga opisyal sang Ming Yang Smart Energy Group sa Shenzhen, China sa sidelines sang APEC Summit.

Suno sa kompaniya, ang ila mga wind turbine ang may yara sang teknolohiya nga makasarang sa kabaskugon sang mga super typhoon nga maglampas sa Category 17.

Ginpirmahan ang kasugtanan para sa kooperasyon sa pagpauswag sang offshore wind energy project sa pungsod.

Lakip sa plano sang kumpaniya ang pagtukod sang isa ka sentro para sa maintenance kag repair sang mga windmills sa Pilipinas agud mapadasig ang serbisyo kag mapabilin ang matalunsay nga operasyon sang mga pasilidad.

-- ADVERTISEMENT --

Ang proyekto ginalauman nga makabulig sa pagpasangkad sang matinlo nga enerhiya kag may mas masaligan nga suplay sang kuryente sa pungsod, ilabi na sa tion sang mabaskog nga bagyo.