-- ADVERTISEMENT --

Ginkilala ang isa ka faculty member sang Capiz State University (CAPSU) Sigma Satellite College bangud sa iya kontribusyon sa food innovation.

Sa interview sang Bombo Radyo kay Dr. Janet V. Ledesma, Associate Professor IV sang Hospitality Management Department sang CAPSU Sigma Satellite College, iya ginpahayag nga nakabaton ini sang Idlab Merit Award sa idalom sang Independent Innovator Category sang 2026 Idlab Awards.

(AWARD)
Ang nasambit nga pagkilala ginpatigayon sang Regional Research, Development, and Innovation Committee sang Regional Development Council VI sang Nobyembre 12 sa Crystal Ballroom sang Punta Villa Resort sa Iloilo City.

Suno kay Ledesma, isa mga kilala nga food innovation sini amo ang Anchovies Ice Cream Technology  nga nagapakita nga mahimo magamit ang lokal nga mga produkto kag mga masami makita nga panakot agud makahimo sang bag-o kag mabaligya nga pagkaon.

Paagi sa iya mga research kag innovation sa food product development, food safety kag culinary arts, nagahatag ini sang oportunidad sa pangabuhian kag nagasuporta sa pag-uswag sang mga negosyo sa komunidad.

-- ADVERTISEMENT --