ROXAS CITY – Ginbisita ni Acting Regional Director Police Brigadier General Leo Francisco kaupod ang mga regional staff officers sang Region VI ang Capiz Provincial Police Office sang Setyembre 9, 2022.
Ini ang ginpahayag ni PMaj. Ruby Magallanes, Public Information Officer sang CPPO sang mainterview sang Bombo Radyo.
Ginsiling sini nga sa ‘Talk to Men’ ni Acting RD Francisco naghatag ini sang mensahe nga mas pasangkaron pa ang kampanya batuk sa krimen kag pag-obserbar sang intensified cleanliness policy sa kada kabanwahanan.
Maluwas diri nagpatigayon man sang command conference kun sa diin ginpresentar sang mga chief of police sa kada estasyon ang ila total crime volume, crime solution efficiency kag pagsolbar sang kaso.
Pahayag ni Magallanes nga nalipay si Francisco sa nangin preparasyon sang mga kapulisan kag gindayaw ang maayo nga presentasyon.
Samtang, antes nagpadulong sa CPPO, naghatag sang courtesy si Francisco kay Governor Fredenil ‘Oto’ Castro bilang amay sang probinsya.
Mahibaluan, nga ini ang labing una nga pagbisita ni Police Brigadier General Francisco sa probinsya sang Capiz.
Acting Regional Director Francisco ginbisita ang Capiz PPO
-- ADVERTISEMENT --
