ROXAS CITY — Nagsaka na sa 27 ang numero sang active patients under investigation (PUIs) sa Capiz bangud sa coronavirus disease 2019 (COVID-19).
Yara karun sa hospital quarantine ang 12 ka mga PUIs samtang nagapaidalum naman ang 15 ka PUIs sa home quarantine.
Nagapabilin sa isa ang positibo nga kaso sang COVID-19 sa probinsiya kag 15 man ka PUIs ang nag-negatibo sa amo nga balatian.
May 3,601 pa ka mga persons under monitoring (PUMs) nga padayon nga ginabantayan sang Provincial Health Office.
Sa kabilogan, nagdangat na sa 42 ang napagkit nga PUIs kag 4,446 naman ang PUMs sa probinsiya apang 845 sa mga PUMs ang nakatapos na sa quarantine period.
Isa ka PUI ang nagtaliwan na apang indi pa matul-id kun ini ang positibo ukon negatibo sa COVID-19 bangud ginahulat pa ang resulta sang laboratory test sang Research Institute for Tropical Medicine sa ginpadala nga specimen naggikan sa pasyente.#
