Ginsiguro sang Department of Social Welfare and Development nga padayon ang ila paghatag kag pagpalapnag sang mga serbisyo nga ginahatag sa adolescent mothers.
Ginhimo sang ahensya ang pahayag kadungan sang padayon nga isyu sang teenage pregnancy sa Pilipinas.
Suno sa DSWD, ang tikang nga ini ang importante agud masiguro ang psycho-social well-being sang mga ini.
Ini ang tikang nga nagapakita sang ila mga importante nga responsibilidad bilang isa ka ginikanan sa pihak sang mura nga edad.
Pasok diri ang programa sang DSWD nga “ProtecTEEN”.
Ginatuyo sang programa nga ganyaton ang mga kabataan nga magpartisipar sa mga programa kag inisyatiba sang gobyerno agud malikawan ang teenage pregnancy.
Pinaagi sini, mabuhinan man ang mga risgo nga tuga sang pagiging iloy sa mura nga edad.
