Ginpanindugan ni Armed Forces of the Philippines chief of staff Romeo Brawner Jr. nga wala sing kudeta nga matabo sa idalom sang iya pagpanguna.
Ini sa tunga sang mga espekulasyon sang internal nga kinagamo sa sulod sang militar.
Sa isa ka pahayag, ginpamatud-an sang hepe sang AFP ang wala nagabag-o nga commitment sang organisasyon sa Konstitusyon kag sa chain of command.
Ginsiling sini nga samtang nagapungko siya bilang Chief of Staff, wala sang matabo nga kudeta kag ginpahayag man sini nga indi sila madala sa mga huring-huring ukon madaya sang gahod.
Ginpasiguro man ni Gen. Brawner sa mga pumuluyo nga ang Armed Forces of the Philippines nagapabilin nga mabakod, propesyonal, kag mainunungon sa chain of command.
Ginpaandaman sang hepe sang AFP ang mga padayon nga nagapalapta sang sala nga impormasyon sang “mas malapad nga resulta” sang pagguba sa Armed Forces.
Ginhingyo man ni Brawner ang publiko nga mangin kritikal kag ipatuhay ang matuod nga mga kabalaka gikan sa wala sang basehan nga mga espekulasyon, ilabi na kon parte sa mga pampubliko nga institusyon kag pungsodnon nga seguridad.
