Gin-grant na sang International Criminal Court (ICC) ang pag-withdraw ni Atty. Nicholas Kaufman bilang abogado ni former President Rodrigo Duterte sa kaso nga crimes against humanity.
Suno sa ICC Trial Chamber III, ang amo nga tikang wala sang nakita nga epekto sa kaso.
Nahibaluan nga nag-request si Kaufman nga mag-withdraw matapos nga naghingyo ang pamilya duterte nga islan siya bulang lead counsel.
Ginpahayag man nga may yara na sang napilian nga bag-o nga abogado ang anay president.
Ginpasalig man sang bag-o nga abogado nga makatambong siya sa masunod nga status conference sa Mayo 27 kag ginpahibalo man siya sang mga deadline nga gintalana sa kaso.
Ginhatagan pagtamod sang ICC nga dapat sundon gihapon ni Kaufman ang iya professional kag confidentiality obligations bisan wala na siya sa kaso.
Matandaan nga nagapabilin sa gihapon sa kustodiya sang ICC si Duterte bangud sa kaso nga crimes against humanity nga may kaangtanan sa ginaalegar pagpamatay sa siya pa ang anay alkalde sang Davao kag Presidente sang Pilipinas.
