Napanindugan ang Armed Forces of the Philippines (AFP) nga magapadayon ang pagpatrolya sa West Philippine Sea (WPS) apisar sa mga kritisismo sang China.
Suno kay AFP Spokesperson sang West Philippine Sea, Rear Admiral Roy Vincent Trinidad, ang mga pahayag sang Chinese Communist Party ang nangin rason sang “instability” sa WPS, nga kabahin sang exclusive economic zone (EEZ) sang Pilipinas.
Pahayag pa niya, ang ila ginapatigayon nga training sa Bajo de Masinloc ang may permiso, duly coordinated, scheduled kag nakasunod sa agreement kag mga layi.
Dugang pa ni Trinidad, ang mga pattern sang unlawful actions halin sa China ang nagapakita sang paglapas sa iban pa nga estado sang Southeast Asia kag mangin sa international law.
Nahibaluan nga nagapatigayon ang China sang ilegal nga pagpatrolya sa WPS kag ang ginapahayag training sa Bajo de Masinloc nga wala sang husto nga basehan kag wala nagasunod sa mga layi.
