Ginsiguro sang Armed Forces of the Philippines nga nakahanda ang ila nga tropa para maghatag sang proteksyon sa tanan nga mga Pilipino nga mandaragat.
Ginhimo sang AFP ang pahayag kasunod sang mga insidente sang pagpangharas sang China sa mga barko sang Pilipinas.
Matandaan sadtong nakaligad nga mga inadlaw ginbangga kag ginbomba sang water cannon sang Chinese Coast Guard ang BRP Datu Sanday sang Bureau of Fisheries and Aquatic Resources sa may bahin sang West Philippine Sea.
Ginpahayag naman ni AFP Spokesperson Col. Francel Margareth Padilla nga sa karun nakatuon ang Philippine Coast Guard kag BFAR sa nasambit nga ilegal nga aksyon sang China.
Suno kay Col. Padilla, nagapabilin nga commited ang AFP sa paghatag sang proteksyon sa maritime interests sang Pilipinas sa gina-agawan nga teritoryo.
Sang pamangkuton kun ano ang ginahimu nga paghanda sang sandatahang lakas sang pilipinas pananglitan mag-angkon sang escalation ang China sa lugar ang nagpamalibad magkomento ang opisyal.
Apang ginsiguro sini nga padayon ang ila nga ginhimu nga pagrebisa sa ila “rules of engagement.”
