Padayon nga na-ekpersyenshan ang aftershocks gikan sa Magnitude 7.8 Offshore Sarangani Earthquake nga nag-igo sang Hunyo 8, 2026.
Suno sa pinakaulihi nga report as of 9:00 a.m. subong nga adlaw, naglab-ot na sa 3,860 ang kabug-usan nga narekord nga aftershocks sa diin 966 diri ang na-plot sang mga eksperto kag 64 ang nabatyagan sang publiko.
Ang magnitude sang aftershocks naglab-ot sa 1.2 tubtob 6.4, nga nagapakita sang padayon nga aktibidad sa idalom sang tubig.
Nagapabilin nga alerto ang mga ahensya sang gobyerno kag padayon ang monitoring agud masiguro ang kaluwasan sang mga pumuluyo sa mga apektado nga lugar.
Ang linog sang Sarangani ang isa sa pinakamabaskog nga narekord sa Mindanao sang nagligad nga mga tinuig nga nagtuga sang kahalitan sa imprastraktura kag pagkaguba sang pila ka mga dalanon.
Suno sa Philippine Institute of Volcanology and Seismology (PHIVOLCS), ginalauman nga magapadayon ang aftershocks sa masunod nga mga inadlaw.
