ROXAS CITY –— Gindula sang Philippine Institute of Volcanology and Seismology (Phivolcs) sa syudad ang pagkabalaka sang publiko nga mahimo magtuga sang tsunami alert ang Magnitude 6.5 nga linog sa Leyte.
Suno kay Engr. Rey Antioquia sang Phivolcs – Roxas City, wala sang tsunami alert nga ginpaguwa ang ahensiya kag malayo nga makaangkon sang tsunami bangud sa duta nagsugod ang linog.
Nahibaluan nga natumod nga tectonic in origin ang nasambit nga pagtay-ug nga may epicenter sa banwa sang Jaro, Leyte.
Naglab-ot naman sa Intensity 3 ang pagtay-ug nga nabatyagan sa iban nga bahin sang probinsiya sang Capiz kag kaingud nga probinsiya sang Isla sang Panay.
Samtang ginalauman ang mga aftershocks kasunod sang pagtay-ug apang indi na ini mabatyagan sa probinsiya.
