Napaslawan ang tiglawas sang Pilipinas nga si Ahtisa Manalo nga makuha ang labing-una nga korona sa Miss Cosmo 2024 pageant sa koronasyon nga ginpatigayon sa Saigon Riverside Park sa Ho Chi Minh City, Vietnam.
Tubtub sa Top 10 ang gindangatan ni Ahtisa. Ang nadala nga Top 5 queens nga nag-abanse sa question-and-answer portion amo ang Indonesia, Peru, Thailand, USA, kag Vietnam.
Gin-anunsyo nga winner si Ketut Permata Juliastrid sang Indonesia samtang first runner up naman si Karnruethai Tassabut sang Thailand.
Antes ang anunsyo sang Top 5, nakarampa pa si Ahtisa suksok ang isa ka sexy violet gown.
Naka-abanse siya sa Top 10 matapos nagpanguna sa Cosmo People’s Choice voting portion.
Matandaan nga pila ka adlaw antes ang preliminaries, nakaangkon sang ankle injury si Ahtisa rason nga wala nakaupod sa iban nga aktibidad apang nagpartisipar ini sa closed-door interviews kag nagpabilib man sa jury session.
Apisar wala nadala pauli ang titulo, nadag-an man sini ang “First Station” sang People’s Choice voting kag sulod man sa Top 3 sang “National Pride” stage.
Antes ang Miss Cosmo, beterana na si Ahtisa sa pageant scene kag una na nagtiglawas sa Pilipinas sa Miss International 2018 kun sa diin siya ang first runner-up.
