Aira Villegas, sulod na sa quarter finals sang Women’s 50KG Boxing Event matapos nga nalutos si Algerian Roumaysa Boualam

Sulod na sa quarterfinals sang women’s boxing 50kgs. division si Aira Villegas.

Nakuha sang Pinay boxer ang unanimous decision batuk kay Romaysa Boulam sang Algeria.

Sa una nga round dominado ni Villegas ang hampang kun sa diin ginpaulanan sini sang mga kinumo ang Algerian boxer.

Ginpilit pa sang naglagas si Boulam apang wala nagpapiyerde si Villegas tubtob nga dalayon ini matapos ang last round kag gindeklara siya nga daug.

Aminado si Villegas nga sa sugod pa lamang ginakulbaan ini kag ang kadalag-an ang isa ka makabig nga regalo bangud natuin sa kaadlawan sini ang iya nga hampang.