Pagsulod sang foreign direct investments sa Pilipinas, nagnubo

Nagnubo ang foreign direct investments (FDIs) sa Pilipinas sang 34.8% sa una nga duha ka bulan sang 2026, suno sa Bangko Sentral ng Pilipinas.

Yara nalang ini sa $1.03 billion kumpara sa $1.58 billion sang 2025.

Suno sa BSP, ini bangud man sa pagnubo sang investment sa intercompany borrowings kag iban pa nga debt instruments.

Kalabanan sang investments naghalin sa United States kag Singapore para sa manufacturing, insurance, financial kag real estate sectors.

Suno sa mga analyst, epekto ini sang global uncertainty, mataas nga interest rates kag mahinay nga investment timing.