Ginhingyo sang Akbayan party-list sa Office of the Ombudsman nga i-release ang Statement of Assets and Liabilities and Net Worth (SALN) nanday Presidente Ferdinand Marcos Jr., Vice President Sara Duterte, anay Ombudsman Samuel Martires kag pila ka mga constitutional commission officials.
Suno kay Akbayan President Rafaela David, demonstrasyon ini sang gobyerno nga seryoso sila sa pagpakita sang transparency kag accountability.
Gindugang sini nga humalin sang nagpungko si Martires, ginatago niya ang SALN sang mga mataas nga opisyal sang gobyerno.
Magapasaka sila sang pormal nga kaso sa tion nga madeliver na sang Ombudsman ang ila ginapangayo.
Ginhingyo sini ang publiko nga gamiton ang ila kinamatarung sa pagpangayo sang SALNs sang mga opisyal sang gobyerno.
Matandaan nga nagpaguwa sang memorandum si Ombudsman Jesus Crispin Remulla nga nagapahanugot sa publiko nga lantawon ang SALNs sang mga opisyal sang gobyerno.
