Nahaya na ang bangkay sang menor-de-edad nga nakuryente-patay sa Barangay Dumolog, Roxas City.
Ang biktima amo si alyas Angel, 17 anyos, taga New Road, Barangay Banica, sa syudad sang Roxas.
Sa interview sang Bombo Radyo kay Rhamie Camayra, amay sang biktima, iya ginpahayag nga masakit para sa ila nga madulaan sang anak bangud sa kapabayaan sang iban nga tawo.
Nahibaluan nga nakuryente si Angel matapos makasandig sa barbed wire nga ginaalegar may yara sang live wire.
Suno sa amay, kuntani nagpati na lang ang caretaker sang rest house sa mga suhestyon sang pumulyo sang barangay nga indi pagbutangan sang live wire ang barbed wire bangud delikado.
Pahayag niya, dapat nagasunod sa safety procedure ang kada isa bangud kabuhi ang posible mabutang sa alang-alang.
