Amay sang actress nga sanday Anne Curtis kag Jasmine Curtis-Smith nga si James Smith, nagtaliwan na sa edad nga 82

Masubo nga ginpakigbahain sang mag-utod nga sanday Anne Curtis kag Jasmine Curtis-Smith masubo ang pagtaliwan sang ila amay nga si James Smith sa edad nga 82.

Sa ila social media account, nagpost ang duha sang litrato sang ila amay nga nagtaliwan sang Enero 2 subong nga tuig.

Apang, wala naman ginsambit sang duha ang gintunaan sang kamatayon sang ila amay.

Natalana kuntani nga saulugon sang ila amay ang iya ika-83 nga kaadlawan sini nga palaabuton nga Pebrero.

Nagbubo ang mga pagpakig-unong gikan sa ila mga kaupdanan sa showbiz matapos mabatian ang masubo nga balita.