Anak ginhimo nga sex slave sang kaugalingon nga amay

Roxas City-Ginhimo nga sex slave ang 17 anyos nga dalagita sang kaugalingon nga amay sa isa ka banwa sa probinsya sang Capiz.

Nahibaluan nga makapila na ka beses nga ginhimuslan ang biktima nga si Alyas Inday sa ila balay sang amay sini nga si Alyas Onding, 40 anyos, isa ka drug surrenderer.

Bangud nagatrabaho sa luwas sang pungsod ang iloy sang biktima nabilin ini sa iya amay kaupod ang duha ka mga utod nga lalaki.

Base sa WCPD section nga elementarya pa lamang ang biktima sang una nga ginhimuslan sang suspek.

Samtang, nagapabilin nga at-large ang suspek matapos natukiban nga nakasugid ang anak sa mga barangay officials.

Sa karon yara na sa kustodiya sang iya nga tiya ang biktima kag ang duha ka utod sini.