PANITAN CAPIZ – Pilas sa magkatuhay nga parte sang lawas ang na-angkon sang isa ka lalaki matapos ginpahayag ginlabo sa Barangay Cogon, Panitan, Capiz.
Ginkilala ang biktima kay alyas Rene, 42-anyos kag residente sang Barangay Sulu, Pontevedra, Capiz samtang ang suspek naman ang ginkilala kay alyas Brian, 27-anyos kag residente sang Barangay Cogon sa nasambit nga banwa.
Sandig sa impormasyon nga nagikan sa Panitan Municipal Police Station, ginpahayag nga may nagluntad nga mainit nga pagbinaisay sa tunga sang biktima kag anay ka-live-in partner sini nga si alyas “Rose” natuhoy sa kustodiya sang ila sini nga mga kabataan.
Dugang diri, nga nag-intra sa pagbinaisay sang anay mag live-in partner si alyas Brian, ang bag-o nga live-in partner sini ni alyas “Rose” kag didto natigayon nga malab-an si alyas “Rene”.
Mahibaluan nga boluntaryo naman nga nag surrender sa mga otoridad ang nasambit nga suspek matapos makomiter ang krimen.
Sa karon, nahilway na sa karsel sang Panitan MPS ang suspek, matapos nga magtakop ang iya reglementary period.
