Nagpangabay si anay House Speaker Ferdinand Martin Romualdez sa Office of the Ombudsman nga mag-inhibit ukon indi magpadayon sa imbestigasyon batok sa iya may kaangtanan sa gin-alegar nga isyu sa flood control projects.
Suno sa kampo ni Romualdez may “pattern of prejudice” ukon ginpakita nga bias ang pila ka mga opisyal nga mahimo makalapas sa due process.
Sa apat ka pahina nga sulat nga ginpadala sang iya mga abogado halin sa Villaraza & Angangco sang Abril 22, 2026, nga ang mga pahayag ni Ombudsman Jesus Crispin Remulla kag iban pa nga opisyal daw nagapakita nga may desisyon na kasuhan siya sang plunder bisan wala pa sing pormal nga reklamo ukon imbestigasyon.
Gindugang pa sang kampo nga nagsugod na nga bias sang Nobyembre 2025 sang ginpahayag ni Remulla nga ginatun-an na sang iya opisina ang kaso kag posible nga may plunder charges.
Sang Abril 2026, naggwa pa gid ang mga pahayag parte sa seryoso nga kaso nga ginlantaw sang kampo ni Romualdez nga daw may daan na nga plano sa pagpasaka sang kaso.
Ginpunto man sang iya mga abogado ang isa ka press conference kun sa diin gin-alegar nga gintawag siya ni Assistant Ombudsman Mico Clavano nga “master plunderer,” nga para sa ila nagapakita sang indi patas nga paglantaw sa kaso.
Bangud sini, nagpanawagan si Romualdez nga ang bisan ano nga reklamo batok sa iya ipahamtang sa isa ka neutral kag independent-minded nga opisyal agud masiguro ang patas nga proseso kag mapabilin ang pagsalig sang publiko sa hustisya.
