[ TRIGGER WARNING: SUICIDE ]
Ginbuyagyag ni Presidential Anti-Organized Crime Commission (PAOCC) Director Secretary Gilbert Cruz nga anom na ka indibidwal ang nabalhag nila nga naghikog bangud sa pagpang-harass sang mga illegal online lending companies.
Ginpahayag ni Cruz nga may na-record sila nga anom ka indibidwal nga nagdesisyon nga utason ang kabuhi bangud sang tuman nga kahuy-anan nga ila nadangtan halin sa pagpang-harass sa pagpangsukot sang mga online lending companies.
Kalakip sa nasambit nga mga harassment amo ang pagpadala sang mga email kag text sa ila nga mga contacts agud pakahuy-an sila sa tion nga indi makabayad sang utang, pag-post sang mahalay nga laragway kag iban pa.
Nagpamalibad naman si Cruz nga hingadlan ang mga biktima sang online lending nga naghikog.
Kaangut sini, ginhatagan pagtamod ni Cruz nga kinahanglan nga dalayon nga ma-expose kag mabungkag ang operasyon sang mga nasambit nga illegal online.
Nag-apela man siya sa media kag sa publiko nga magkooperar agud dalayon na nga mauntat ang mga ini.
Tiniyak naman ni Cruz na gumagawa sila ng mga pamamaraan upang masawata ang naturang ilegal na gawain.
Ginpahayag man sang PAOCC chief nga mas daku ang epekto sang online lending apps sa mga Pilipino.
Matandaan nga sa isa ka interview sadtong Hunyo, gin-report ni PAOCC Spokesperson Winston Casio ang reklamo nga nabaton sang komisyon halin sa mga biktima sang mapang-abuso nga online lending apps.
Kilala ang PAOCC bilang ahensya nga nagalalip sa POGO. Sa karon, gina-target naman nila ang mga yara sa likod sang online gambling kag online lending apps.
