Anum tubtub 14 ka mga bagyo ang ginalauman nga magasulod sa Philippine Area of Responsibility humalin Marso tubtub Agosto, sa diin ginalauman nga magaluya ang La Niña samtang nagahilapit ang tig-ilinit.
Suno sa state weather bureau, na-eksperyensyahan pa ang epekto sang La Niña apang padulong ang pungsod padulong sa ENSO-neutral nga kondisyon.
Sa tion sang 193rd Climate Forum, ginpaathag sang state weather bureau Climate Monitoring and Prediction Section chief Dr. Joseph Basconcillo nga ang La Niña yara gihapon sa tropical Pacific.
Ang ENSO-neutral nagapatuhoy sa sitwasyon nga wala sang La Niña ukon El Niño.
Antes magbalik sa normal ang southwest monsoon rains sa Hunyo, ang daku nga bahin sang Luzon ang maka-eksperyensya sang dugang nga inadlaw sang tig-ilinit .
Ginalauman man nga magataas ang temperatura sa pungsod. Nagpaandam ang ahensya nga mahimo maglab-ot sa 37.5°C ang init sa Metro Manila sa bulan sang Abril, samtang posible naman nga maglab-ot sa 39.9°C sa Northern Luzon.
Naghingyo ang ahensya sa publiko nga padayon nga bantayan ang ila mga advisories samtang nagabag-o ang kahimtangan sang panahon.
