-- ADVERTISEMENT --
Boluntaryo nga ginsungka sang isa ka Punong Barangay sa Barangay Butacal, Panay, Capiz ang isa ka unit sang armas-luthang sa Panay MPS.
Ang nasambit nga armas luthang ang ginapanag-iyahan sang isa ka pumuluyo sa nasambit nga lugar.
Sa impormasyon nga nakuha sang Bombo Radyo nagikan sa Panay MPS, boluntaryo nga ginsungka sa ila nga talatapan ang 1 ka unit sang homemade 12 gauge shotgun nga wala sang serial number kag wala sang bala.
Sa karon, yara na sa paghinakop sang Panay MPS ang nasambit nga armas luthang, FESAGS PNCO kag natalana nga iga-turnover sa FESAGS CAPIZ PPO para sa nagakaigo nga disposisyon.
