Boluntaryo nga nagsungka ang isa ka babaye nga may warrant of arrest sang mga katapo sang Roxas City Police Station sa Pueblo de Panay, Barangay Lawaan, Roxas City.
Sa impormasyon nga nakuha sang Bombo Radyo, nagikan sa Roxas City Police Station, ginkilala ang arestado kay alyas “Gen”, 55-anyos kag residente sang Barangay Tico, Panay, Capiz.
Nagapangatubang sa kaso nga “Illegal Recruitment” kun sa diin ginrekomendar sang korte ang balor P24,000 nga pyansa para temporaryo sini nga kahilwayan.
Ang nasambit nga warrant of arrest ang gin-isyu kag ginpirmahan ni Hon. Maria Florencia Barilla Formes, Presiding Judge, Regional Judicial Region, Branch 34, Calamba City, Laguna kag napetsahan Marso 6, 2025.
Sa karon, hilway na ini sa karsel sang Roxas City Police Station matapos nakapyansa sang balor P24,000.
