ROXAS CITY – Dakop ang duha ka mga drug suspek sa ginkasa nga drug buybust operation sang gintingob nga puwersa sang Provincial Drug Enforcement Unit (PDEU) sang Capiz Police Provincial Office kag Panay Municipal Police Station sa Barangay Tanza Sur, Panay, Capiz.
Ginkilala ang mga drug suspek nga sanday Ken Joy Arcangeles, 21 anyos, sang Barangay Tanque, Roxas City kag isa ka 17 anyos nga lalaki, sang Barangay Jumaguicjic, Roxas City.
Narekober sa posisyon sang mga duha ang siyam ka sachets sang ginapatihan shabu, kag 500 pesos nga marked money.
Suno kay Police Captain Marvin Balmes, hepe sang Panay PNP nga hugot nga monitoring ang ginpatigayon sang mga otoridad sa mga suspek antes ginkasa ang nasambit nga operasyon.
Suno naman kay Punong Barangay Lilibeth Billones, pangayaw lamang sa ila nga barangay ang nasambit nga suspek.
Apang ginpasiguro sini nga gilayon sila nagapakig-angut sa mga otoridad kun may namonitor sila nga nagaduso sang ilegal nga droga sa ila barangay.
