ROXAS CITY – Nagpabalhag sa Roxas City PNP ang isa ka babayi matapos ginaalegar ginkawatan sa sulod sang isa ka department store sa Arnaldo Blvd., syudad sang Roxas.
Ginkilala ang nagpabalhag kay Maria Christina Motus, 39-anyos residente sang Sitio Kalubihan, Brgy. Tanque, Roxas City.
Sandig sa ginparekord sang biktima, nga nagpadulong siya sa dako nga balaligyaan nga may dala nga blue pouch.
Apang, sang ini ang yara na sa lugar, ginkakibot niya na lang nga nadula na ang iya cellphone kag kwarta nga nagalab-ot sa kapin P30,000 nga nasulod sa nasambit nga suludlan.
Nakita sa CCTV footage sang department store nga may isa ka babayi nga nagkuha sini kag madasig nga nagsakay sa isa ka tricycle.
Sa karun, gina-imbestigahan na ini sang mga kapulisan ang amu nga insidente.
