Nagkortesiya sa talatapan ni Capiz Vice Governor James “Mitang” Magbanua si JINSP Rowena V. Magallanes, ang bag-o nga Acting Jail Warden sang Roxas City Jail-Female Dormitory sang Bureau of Jail Management and Penology (BJMP).
Sa ila pagsinapol, gin-istoryahan ang padayon nga pagbinuligay kag mas mabaskog nga koordinasyon sa tunga sang BJMP kag sang Provincial Government of Capiz agud mapalig-on pa ang mga programa kag serbisyo para sa mga Persons Deprived of Liberty (PDLs) kag sa komunidad.
Ginpabutyag ni Vice Governor Magbanua ang iya suporta sa mga inisyatibo sang BJMP kag ginpasalamatan ang ahensya sa padayon nga paghatag sang husto nga pag-atipan, seguridad kag rehabilitasyon sa mga PDLs.
Suno sa Provincial Government of Capiz, ang courtesy call nagapakita sang padayon nga partnership kag pagbinuligay sang gobyerno probinsyal kag sang BJMP agud mas mapabaskog ang pagserbisyo sa pumuluyo sang Capiz, ilabi na sa mga Persons Deprived of Liberty.
