Pagapadayunon sang bag-o pungko nga Bise Alkalde sang banwa sang Panay ang legasiya ni anay Vice Mayor Julius Asis.
Sa interview sang Bombo Radyo kay Vice Mayor Paolo Besa, iya ginpahayag nga bilang preparasyon sa iya mga responsibilidad, una na siya nagpatigayon sang pakighinun-anun sa mga empleyado sang Office of the Vice Mayor agud mapabaskog ang koordinasyon kag mapadayon ang epektibo nga paghatag sang serbisyo publiko.
Suno kay Besa, padayon ang ginahimo nga information drive sang liderato, kag sa tagsa ka bulan may ginapakita nga mga accomplishment ang banwa.
Nagpasalig man ang bise alkalde nga hugot nga pagasuportahan ang mga proyekto kag mga ordinansa nga igaduso sang Office of the Mayor para sa kaayuhan kag kauswagan sang mga pumuluyo sang Panay.
