ROXAS CITY – Igapatuman na sang Traffic Management Unit ang kinaangdan nga ruta sang trapiko sa siyudad sang Roxas sa buwas nga adlaw sang Sabado (Nobyembre 23, 2019).
Ini agud indi magtuga sang trapiko sa mga umalagi ilabi na sa area sang Barangay Tanque, Roxas City (Tanque North) kag Datiles Street.
Suno kay Ret. SPO4 Gonzalo Andrada, Consultant Traffic Management Unit nga nagpaguwa sang abiso ang city government sa diin plano nga bag-uhon ang dalagan sang trapiko sa siyudad sandig sa City Ordinance No. 021-2007.
Mahibaluan nga ginbalik sang TMU ang kinaangdan nga ruta sang una sa diin mahimo na makaagi ang mga salakyan nagikan sa bahin sang Arnaldo Boulevard nga ruta paliko sa Tanque Street kag maga u-turn sa Datiles Street.
Magluwas diri, mahimo naman makaagi sa exit lane sang Gaisano Mall lusot sa Barangay Tanque.
