Aminado si Presidente Ferdinand “Bongbong” Marcos Jr., nga nabudlayan ini magapili sang bag-o nga tiglikom sang Department of Education (DepEd).
Matandaan nga ginpahayag sang presidente nga igaanunsyo sini ang magabulos kay Vice President Sara Duterte-Carpio bilang tiglikom sang DepEd antes matapos ang semana nga ini.
Pahayag pa sang presidente nga kinahanglan pa sini sang malawig nga oras agud magpaminsar.
Indi madali suno sa Presidente ang pagdesisyon bangud komplikado ang nasambit nga trabaho kaga dapat nga hibaluon kun ano ang kinahanglan sang DepEd.
Ginakunsiderar man sini ang mga panawagan nga dapat ang DepEd Secretary ang isa ka educator ukon isa ka administrator ukon historical professor.
Dugang pa sang Presidente nga wala siya sang shortlist sang mga pangalan sang magabulos apang may mga rekomendasyon siya nga nabaton para sa mangin masunod nga tiglikom sang DepEd.
